Ekipi ka mbyllur sot në ambjentet e ‘Tropikal resort’ përgatitjet për takimin e javës së 18-të ndaj Vllaznisë.
Trajneri Daja dhe stafi teknik ka dhënë sot këshillat e fundit lojtarëve në prag të ndeshjes, gjatë seancës stërvitore të zhvilluar paradite në Durrës.
GRUPI – “Trajneri Daja do të ketë në dispozicion grupin e plotë në këtë takim përveç Sahitit i cili është rikuperuar plotësisht dhe sot ka zhvilluar normalisht stërvitje por nuk do rrezikohet duke e aktivizuar në Shkodër. Muzaka është rikuperuar plotësisht ndërkohë që stafi do ketë në dispozicion dhe Marko Radas i cili ka shlyer me gjobë gjysmën e dënimit të vendosur nga Disiplina.
Me grupin është prezantuar dhe Kabba Sambou i cili do zhvillojë sot testet mjekësore dhe më pas do të firmosë kontratën e re me drejtuesit e klubit.
Gjatë orëve të mbrëmjes ekipi do të akomodohet në Shkodër në prag të ndeshjes.
—————————
Superliga / Java 18
Vllaznia – Skënderbeu
4 shkurt / Ora 13:00
Stadiumi ‘Loro Boriçi’